التعريف :

هي طرق تفكير واعية أو غير واعية أو شبه واعية تؤدى إلى مواقف عالية الخطورة و يمكن ان تؤدى الى انتكاس المدمن .

وهناك نوعان من الحيل

أولاً : الحيل مرض الأدمان الماكره:

قرارات شكلها غير مهم

1. 1. قرر احمد زيارة خالته المسنة  فهو لم يزرها مند وقت طويل فقد كان يتلقى العلاج فى احد مراكز تأهيل المدمنين وقد تخرج الان بعد 6 اشهر من العلاج وهو الان قد قطع كل علاقة له بالمدمنين الدين كانوا يتعاطون معه ، احمد يعرف ان حسن الدى كان يتعاطى معه يسكن فى البيت المجاور لخالته ، عندما وصل احمد وجد باسم اخو حسن ينظر من البلكونه وهو لايتعاطى المخدرات دعى باسم احمد للجلوس معه وتناول الشاى معاً وافق احمد على هدا المطلب ، فى وجود احمد مع باسم بالمنزل دخل عليهم حسن وكان واخد مخدرات وباين على شكله وكان معاه مخدرات سلم على احمد وقعد معاهم ، انتهت الجلسة بعودة احمد للتعاطى مرة اخرى .

1. 2. قرر تونى زيارة سامح صديقة والدى يقوم بتشطيب محل الملابس الجديد الدى اشتراه فقد احب تونى ان يقدم خدمه لسامح ويساعده ، تونى مدمن متعافى مند 5 اشهر ولايقابل اى مدمنين نشطيين وسامح لم يتعاطى المخدرات ابداً ، رحب سامح بتونى وانبسط  بتبطيله المخدرات وطلب منه ان يبقى فى المحل مع العمال حتى يقوم سامح بمشوار ويعود ، حنا النجار كان شغال فى المحل طلع سيجارة الدخان وشربها وكان تونى موجود ، استمر تونى فى المحل وكان جواه صراع جامد اوى يسيب المحل ويمشى ويزعل سامح ولا يستنى فى الجو ده ، قرر تونى البقاء فى المحل وانتظار سامح ،  عرض حنا سيجارة دخان على تونى فاخدها وشربها معاه فى المحل .

تأثير مخالفة القاعدة

• بما اننى لم التزام بالقرار اللى اخدته بتبطيل السجاير زى ما بطلت المخدرات ورجعت ادخن تاى يبقى اكيد هرجع اخد مخد رات تانى مفيش فايده .
• انا مكنتش ناوى ابطل دلوقتى وهما اللى اضطرونى اخد الخطوة ديه بس مش هينفع اكمل مبطل علشان ده مش قرارى انا ، انا لازم اخد القرار ده بنفسى علشان استمر فيه.
• 
  

ثانياً : حيل مرض الأدمان الساذجه

1 ـ الحمد لله خفيت أنا مش محتاج متابعة ولا مجموعة ولا إجتماعات أنا بقيت كويس .

2 ـ أنا هضرب مرة واحدة وأبطل خالص أنا بقالى 3 شهور مبطل كويس قوى أضرب مرة وأبطل 3 سنين أنا بقيت كويس .

3 ـ أكافأ نفسى أنا لىّ 6 شهور مبطل كل حاجة أنا بقيت كويس قوى أنا هاخذ مرة واحدة مكافئة لىّ أحتفل بفترة التبطيل اللى فاتت وبقى ارجع ابطل تانى . انا فهمت اللعبة وفهمت الواحد يقدر  يبطل ازاى ولما اعوز ابطل هبطل ، خلاص انا عرفت السكة هبطل لوحدى .

4 ـ العشرة متهونش غير على إبن الحرام. أصحابى مقدرش أقاطعهم وأنا لازم أساعدهم علشان يبطلوا  ولازم اقولهم ان فى تبطيل .

كيفيه التعامل مع هذه المكائد كثيره ولكن نذكر منها مايلي:

1. 1. الدعاء والصلاة حتى يمنحك الله حكمة الفهم وحسن التصرف
2. 2. مشاركة شخص ايجابى وله خبرة فى مساعدة المدمنين  ( المشرف  ، المعالج ،  الطبيب  )كذلك المشاركة فى المجموعة ؟
3. 3. ملاحظة الإشارات المبكرة لافكار التعاطى ومشاركتها اول باول والتعامل معها  .
4. 4. الاستبصار والتعلم من خلال الجلسات الفردية والمحاضرات والقراءات  .
5. 5. عمل سجل الرغبة الملحة فى التعاطى .